منتدي بحر الكلمات للشعر والأدب \\ نص الابداع (***(امي)***) بقلم الشاعر.ة\\ شحات بلال الرفاعي

(***(امي)***)
قالوا شهر مارس عيدك
قلت كل ثانية كانت عيدك
بس انتي فين وأنا يا امه
من عمري ياعمري اديلك
تعالي صحيني لمدرستي
وقولي الشمس طلعت
اقولك لسه بدري يا امه
تقولي انت عارف الساعة كام
اقولك سبعة لسه بدري!
تقولي يدوبك علي الطابور تمام
******
لملمي يا امه جروحي
وكفكفي بيدك دموعي
ولو غمضت يوم عيني
دمعتي تفرقع ضلوعي
وحشني حضنك ياامه
خديني واقبريني جنبك خديني
فاكرة ياامه لما كنتي تدعيلي
مفيش حد دلوقتي يواسيني
******
وحشاني يا اممممممه وواحشني كلامك
واحشني صوتك طيبتك همسك سلامك
لملميني ياامه بكفوفك
وخديني في حجرك نفسي اشوفك
وآه يا امه آه
غطي وشي بطرف الطرحة
رجعيلي بسمتي ويا الفرحة
بصي علي وشي وانا نايم علي رجلك
قولي مالك ياولدي ايه حصلك 
كنت سعيد والعرحة دايما عندك
وبصوت الضحكة تجلجل وترسم وشك
*******
طيبتك حنيتك ياامه لقيتهم في بنتي
بقولها حنينة يا بنتي
قالت ابدا مش زي حنية ستي
اتوحشك ياامه؟!اتطلع ليها؟!
يمكن روحك ياامه ساكنة عنيها
*******
لملميني ياامه ولملمي جروحي
انتي سكني ومامني بعد خوفي
*****
وآه ياامه آه من فراقك
نفسي امسح دموعي في شالك
وكفك النادي يمسح خدودي
ما بقالي غير صورتك وعكازك
********
ابنك/شحات بلال الرفاعي