علشان ما انت طيب
علشان ما انت طيب
عرفت أضحك عليك
وقطفت منك وردك
وبشوكه جرحت إيديك
ودمعك بات علي خدك
وياما سهرتك لياليك
*علشان ما انت طيب *
اصحى بقي فوق لروحك
دي الطبية ف زمنا عيب
محدش هيداوي جروحك
والطيب بيعيش غريب
واللي عامل إنه حبيبك
في لحظة هيبقى ديب
*علشان ما انت طيب *
أصرخ باعلي صوتك
جادل واغضب وثور
قبل الزمان ما يفوتك
وتموت بين السطور
كان الله في عونك
ياعصفور بين النسور
*علشان ما انت طيب
بقلمي.
الشاعر/ وحيد محروس
ليست هناك تعليقات:
إرسال تعليق