منتدي بحر الكلمات للشعر والأدب **بحب الورد** قلم الشاعرة // راوية حسن

انا طول عمرى بحب الورد
لما بيجى ربيعه يرد
يتلون الوانه كتيره
اصلها حلوه ومالهاش عد
نفسى تيجى يوم تهدينى
وتبعتلى باقة ورد
وتلونها بكل الوانها
انا اصلى عشقاه وبجد
بحب الورد على عوده
وبيعجبنى لىن خدوده
لونه ده اصله ربانى
دى طبيعته وهى مصاحبانى
يااللى بايدك زرعت الورد
ماتقطفهوش وسيبه فى الارض
على عوده ده ايامه تتعد
ومتع بيه قلبك وعنيك
اصله كمان بينادى عليك
وان قطفته حيجرح ايديك

الورد ده الوانه لغات
وكل لون ده ليه حكايات
احمر بلون الحب ياهو
واصفر يغير الواحد من اخوه
وابيض بلون قلبك انسان
واصفر بلون شمسك ده حنان
والنرجس على غصنه نعسان
ولا القرنفل الله ياسلام
والبلدى بلدى زينة الحسان
اقولكم ايه ع الورد كمان

يوم ماحبيبى يجيبلى الورد
ان كل همسه فى قلبى ترد
وتقول كلام ولا احلا كلام
اصلى انا عاشقة الورد
وقلبى متربى على الود
هل الربيع تانى وجالى
ويا ازهاره قالى تعالى
انا لون الورد بيحلالى
ولا عمرى يخطر على بالى
انك تجينى وتجيب لى ورد
=====%=====%======
راوية حسن