منتدي بحر الكلمات للشعر والأدب ***انا بستنى سهرانه** قلم المبدعة // راوية حسن

انا بستنى سهرانه...ويايا 
نجمه نعسانه.
..وبتقولى هاتستنى...
رديت عليها قولت لها
اكيد راح اسهر واستنى
لحد مايهل عليا
ويجينى ويجمع النجوم 
حواليا....
وكمان وياهم القمر
بضيه الفضى ويسعدنى
وكلامه الحلو ينادينى
راح اسمعله وحسهرله
واناديله...
ويضوى القمر بقنديله
ينور فى السما عليا
ويبين حبيبى حبه ليا
لماتجينى وتنادينى
اروحلك بروحى وعنيه
وقلبى يبقا سابقهم
لانه مشتاق لك
اكتر منهم
ياريتك بس تسمعنى
وتيجى لحد مملكتى
وتقولى انتى ياأميرتى
حجيلك واقول يامولاى
فداك روحى وعمرى اللى جاى
قولى اوصفلك حبى ازاى
وتيجى لعندى وتحيينى
===============
راوية حسن