منتدي بحر الكلمات للشعر والأدب ***البطالة والعطالة. كتبه الاديب الراقي :يحيى عايد عباس

البطالة والعطالة. كتبه:يحيى عايد عباس
يا عم بطل بطالة
لما ولادك يسئلوك مبتشتغلش ليه
تقول أصل مش لاقي الشغل والدنيا عطالة
يا عم اشتغل واشتغل
تلقي الفلوس تتعد في الحصالة
يا عم اشتغل تلقي الرجولة فيها والأصالة
يا عم اشتغل متخليكش كدة مسطول
وجودك زي قلتك عرض كة بطول
متخليكش كدة قاعد في الدنيا
مفيش نبات ليك ولا محصول
مفيش ولا قرش ليك طول الفصول
مفيش لا قوة ليك ولا حول
قاعد مش لاقي للمشاكل حلول
مفيش فرق بينك وبين المشلول
اشتغل واشتغل
عمرك ما تتسول
اشتغل واشتغل
وحياتك هتتحول
من شبر لشبر
من طور لطور
بين الكلمات بين السطور
من وراء الجدران
من باب لسور
يا عم عدي الطريقوإن كان في جوا حريق
واوصل لجوا النور
يا عم عدي الطريق وان كان في خطورة
يا عم عدي الطريق واركب المقطورة
متخليش حياتك كلها مقصورة
علي اللون البديع و الصورة
متخليش حياتك كلها محصورة
خلي حياتك طول الظلام منصورة
هتعمل إيه لما متلاقيش أكل ولا شرب
وتلاقي حياتك كلها في ضيق وفي كرب
هتعمل إيه لما تلاقي جثتك جوا الترب
وعقلك وروحك مدفونة جوا الكرب
مش هتعرف تفرق ساعتها انت من العجم ولا العرب
وانت مش عامل حاجة وأجلك اقترب
غير إنك تسمع موسيقي وأغاني وطرب
يا عم اشتغل خلي عندك تعب وجهد
متخليش حياتك كلها في تقشف وفي زهد
كتبه:يحيى عايد عباس