منتدي بحر الكلمات للشعر والأدب ****ياجبل عالي ياما* قلم الشاعر // تامر المأمور

ياجبل عالي ياما من الاهوال شاف
لعمره اتحني ولا خاف
شامخ علي طول المدي
دليل علي الايمان والهدي
صابر علي الهموم وفي المحن عاش
امي ياجبل امي يا جبل شيال
عني وعن خواتي ياما دوقتي المرار
نقوم علي شمسك قبل شمس النهار
فاكر يا امي لما كنت بتضحكي وقلبك عشاني مولع نار
فاكر لما بكيتي وانا مهاجر لغير الاوطان
ساعتها حسيت ان غربتي هي بعدي عن حضنك
ياوطن بكل الاوطان
فاكر لما اخويا جالك غرقان في دمه
وانت قومتي اتوضيتي بدمه
وقولتي انا امي الشهيد
الليله عيد افرحوا ياولاه انا ابني شهيد
كنت بتزغرتي وقلبك بينزف دم
فعلا انت أعظم أم
جبل مايكسروش هم
ليه عاوزه تسبيني ومن حضنك تحرميني
هو انا لي مين غيرك
انا اتربيت من خيرك
انت بستاني وانا طيرك
ماتسبنيش ارجوك ماتسبنيش
انا لسه من حنان ما أكتفيت
ومن عطفك ما أرتويت
انت الأمان انت الحنان انت جبل يا أمي ...تامر المأمور