منتدي بحر الكلمات للشعر والأدب *** ياأمي ** قلم الشاعر : جمال_نصر

ياأمي عيدك كان فرحه ودمي يروق
ياامه يا غاليه مشتاقلك فينك وحشتيني
وحشتيني بلهفتك عليه وكلك شوق
لما كنتي بتراعيني وتداديني وتحميني
أكركب أكسرتبوسيني وأنا محقوق
كانت الدنيا لما تتغير بتتعبني وتبكيني
لماتشيل الورد وتزرع مكانه بشوك
و إنتي بتلحقيني و تحضنيني تداويني
هي تجيبني توديني وترميني فوق
و بإيدك بتمسحي دموعي وتلملميني
هي ترميني لموج بحر منغيرطوق
إنتي تدعي ربنا تترجيه لاجل ينجيني
تنادي وتهاتي إنفوخوا ياناس بوق
وبتجري وسط الموج بقلبك و تفديني
بحضنك تلفيني تدفبني لأجل أفوق
و إتعلمت ليه النبي عليكي موصيني
وربنا محذرني من الأوفٍ والعقوق
وسكنتي القلب و إنتي النيني لعيني
علمتيني الدنيا ضلمه بفجر شروق
وإني أصبر و الدنيا لو أبيعها بتجيني
ربتيني عاالأدب وإني أبقى خلوق
و أنا بادعيلك يارب من الجنه تناديني
تعالى رايح فين إطلع معايا فوق
برضا ربنا عليا لما بريتك كان هاديني
وولادي بقوا لرقبتي حبل بطوق
ارويهم بحب وحنيه زي ما وصيتيني
#جمال_نصر