منتدي بحر الكلمات للشعر والأدب ***( ياه ع الأيام)بقلم / الشاعر وحيد محروس

( ياه ع الأيام)
ياه ع الأيام لما بتجرح
فينا وتزعل لو يوم نفرح
وإن حست إننا قربنا
في غمضة عين بتغربنا
ياه ياه ياه ع الأيام
وإن شافت الفرح مالينا
بقسوتها ونارها بتكوينا
وإن ضحكت أو صفيت مرة
بنخاف لنضيع من خطاوينا
ياه ياه ياه ع الأيام
بتاخدنا ساعات وتطمعنا
وفي عز الفرح بتوجعنا
منها ومن قسوة لياليها
بألم وعذاب بنقضيها
ونعيشها ونفضل نتعلم
ولانقدر نشكي ونتكلم
م الدنيا ياناس ومن بلاويها
ياه ياه ياه ع الأيام
أسترها يارب
بقلمي / الشاعر وحيد محروس