منتدي بحر الكلمات للشعر والأدب .. ( ملامحك يا مصر بتتغير ) لشاعر محمد فتحي

( ملامحك يا مصر بتتغير )

كلمات
محمد فتحى 
أندرو فرج

ملامحك يا مصر بتتغير
لا بتفرق بين كبير وصغير
فاكرك لما كنت عيل
كنت بسمارك بتجمل
ليه دلوقتى حالك يحير

كنت بحلم أنى هبني و أعمر
من زمان و أنا عيل صغير
كنت بحلم فيكى أجمل
كنت فاكر أني هلم وأظلل
لقيت اللى فيكى بيفجر

فين خوفنا من الكبير
فين المدرس أبو ضمير
راحت فين الذمة
فين هيبة العمة
حالنا بيبكى فى التعبير

عنك ياما كتبنا و أبدعنا
و لأيامنا القديمة رجعنا
أدينا بنكتب و نعافر
حالك يصعب على الكافر
بين السطور دموع أوجاعنا

فى الغربة بتعاير بيكى
ده أنا أبنك اللى ليكى
سيبتينى سافرت
مشيت و هاجرت
لكن قلبى بيدق فيكى

أيه يا مصر اللى صابك
أولادك هما سبب خرابك
شدى حيلك
بقرأنك و أنجيلك
هنعيش و نحمى ترابك

فين أيام الحاج و المقدس
ليه بحر المحبة بدأ بيتلوث
أحكى أمجادنا
تاريخ أجدادنا
اللى كان الكل عليه بيتحدث

ليه الغربة أحساس أبنك
متعذب دايما داخل سجنك
لو عايزة النصر
أسمعينى يا مصر
يلا بسرعة أحلقى دقنك

ليه يا مصر بيتغير لونك
أنتى اللى كنتى أم كونك
أرجعى يا مصر لزمانك
محدش أبدا ياخد مكانك
أضربى خللك و أكسرى جنونك

كلمات
محمد فتحى