منتدي بحر الكلمات للشعر والادب ** قلت يا ريتني** بقلم الشاعرة : راوية حسن

مهما طالت بينا المسافات
انا لسه باقيه على الوداد
مهما تغيب عنى سعات
قلبى يسافرلك بلاد
ازاى بتقدر ع البعاد
ياحبيبى بلاه العناد
قرب لقلبى حبتين

انا المشتاقه لكلامك
واحشنى حتى سلامك
ماقدرش انا على بعادك
اليوم فى بعدك اصبح يومين

قدرت ازاى تبعد عنى
ده انت قلبك حته منى
مين اللى يقدر ياخدك منى
يبقى مايعرفشى انا مين

انا اللى قلبى فى يوم حبك
ولا قدر يوم على بعدك
دى الدنيا جميله قوى عندك
قرب حبيبى كمان نوبتين

ازاى يهون عليك قلبى
وازاى قدرت على بعدى
وازاى عارف تعيش بعدى
انا فى بعدك حبيبى حزين

هو انا عمري قسيت عليك
قلبى كمان بيسلم عليك
اللى واحشنى كمان عنيك
ابعتلى منهم نظرتين

يابو كلام حلو وجميل
قلبى كمان لقلبك يميل
وهو من غيرك عليل
دواك ياقلبى امتى وفين

حختم كلامى واقول ياريت
تكون هنايا وتكون حبيت
وسمعت حسك قوام انا جيت
قلت ياريتنى فى القلب والعين
===================
راوية حسن