منتدي بحر الكلمات للشعر والادب \\ قالت ان كنت عاشقني \\ قلم الشاعر الانيق :محمود شبيب

صباح الهنا والسعاده
==
قالت
ان كنت عاشقني وحاببني
منك اذا بدك تقربني
القصه من اولها لتاليها
بدي قصيدة شعر تكتبني
حط النقط فوق الحرف فيها
وضح كلامك لا تغلبني
عطر باشواقك معانيها
حتى بلحنها كثير تطربني
وبسحر نغمتها تذوبني
لا تنتظر عالفور جاوبني
==
قلت
معقول قلبك عم يعاتبني
مع كل حرف بوسه بيعجبني
ومع كل كلمه غمر ببنيها
لكن انا خايف ترفضيها
قالت بكفي حاج تتعبني
من شان الله قول واحكيها
وبخاطرك اوعى تخليها
سكوتك اذا طول بعذبني
دغري اذا بتريد غنيها
لكن دخيلك اوعى تنهيها
=== محمود شبيب ===